Makedonııa Astananyń 20 jyldyǵyna tartý retinde birqatar sharalar ótkizbek
«Astana qalasynyń mádenıet, muraǵattar jáne qujattama basqarmasynyń basshysy Bolat Majaǵulov Makedonııa Respýblıkasynyń Qazaqstandaǵy Tótenshe jáne ókiletti elshisi Ilıa Psaltırovpen kezdesti. Kezdesý barysynda taraptar ózara mádenı baılanysty odan ári damytý máselelerin talqylady» delingen habarlamada.
Elshiniń aıtýynsha, Makedonııa Astananyń 20 jyldyǵyn merekeleýge úles qosýǵa nıetti jáne elorda turǵyndary men qonaqtaryna tartý retinde birqatar sharalar ótkizbek.
«Biz qazaq halqynyń baı mádenıeti men salt-dástúrine tántimiz. Sondaı-aq, jergilikti folklorlyq jáne teatrlyq ujymdardy Makedonııaǵa shaqyramyz», - dedi dıplomat.
Qazirgi kezde mereıtoılyq datany merekeleýge belsendi daıyndyq júrip jatyr.
«Resmı sharalar 10 jeltoqsanda bastaý alyp, jyl boıy jalǵasady. Elordalyq ujymdar, atap aıtqanda, teatrlar, fılarmonııa, bı ansamblderi respýblıkamyzdaǵy úzdikterdiń biri - olar jyl saıyn Astanada júzdegen shara ótkizedi jáne álemdik sahnada Qazaqstandy tanytýǵa daıyn», - dedi Bolat Majaǵulov kezdesý barysynda.
