Maqatta ashylǵan zamanaýı sport kesheninde balalardyń jartysy tegin jattyǵady
Atyraý oblysy ákiminiń orynbasary Jasulan Bısembıevtiń málimetine súıensek, 1 212 sport nysany bar.
Sporttyń ár túrimen aınalysatyn balalar men jasóspirimder sany 15 550-ge jetken.
«Bıyl 36 sport nysany bıyl qosyldy. Oblysta 8 balalar jáne jasóspirimderdiń dene shynyqtyrý daıarlyǵy klýbtary bar. Jattyǵýshylar sany 814-ke kóbeıip, 7312-ni qurap otyr. Sport klýbtarda shuǵyldanýshylar sany 633-ke kóbeıip, 4276-ǵa jetti. Byltyrǵymen salystyrǵanda voleıbolda 117, basketbolda 30, sý sport túrlerinde 496 bala qosymsha sektsııalarǵa alyndy», -deıdi Jasulan Bısembıev.
Jańa sport kesheniniń biri Maqat aýdanyndaǵy Dossor kentinde ashyldy. Ǵımarattyń jalpy aýdany – 500 sharshy metr.
Kúres, boks, dzıýdo zaldary qajetti quraldarmen tolyq jabdyqtalǵan. Endi keshen aýlasynan work-out alańyn salý josparda tur.
Keshen 200 adamǵa arnalǵan. Munda 6 bapker jumys isteıdi.
Jas sportshylarǵa úıirmege qatysýy úshin jeńildikter qarastyrylǵan. Al, az qamtylǵan otbasylardyń 100 balasy sport úıirmelerine tegin qatysady.
«Batyr bolamyn» qoǵamdyq qorynyń prezıdenti Arman Ýahaptyń aıtýynsha, bul – Atyraý oblysynda salynǵan 34-nysan.
«Bul – sapaly ári zamaýnı úlgide salynǵan sport kesheni ǵana emes, balalarǵa jan-jaqty tárbıe beretin uıa. Munda sportpen aınalysatyn ár bala álemdik deńgeıdegi dodalarda kók baıraǵymyzdy jelbiretedi dep senemin», -deıdi Arman Ýahap.
Eske sala ketelik, buǵan deıin Qulsary qalasynda sport kesheni bar 3 myń oryndyq stadıon ashylǵanyn jazǵan edik.
Foto: Atyraý óńirlik kommýnıkatsııalar qyzmeti
