«Maqat-Soltústik Kavkaz», «Beıneý-Jańaózen» gaz qubyrlarynyń parallel jelileri salynady
«Gazdandyrý boıynsha birqatar mańyzdy joba josparlanǵan. Atap aıtqanda, bıyl qoldanystaǵy «Beıneý-Jańaózen» gaz qubyryn kúrdeli jóndeýdi bastaý, sondaı-aq «Maqat-Soltústik Kavkaz» jáne «Beıneý-Jańaózen» gaz qubyrlarynyń parallel jelilerin salý josparlanýda. Atap ótetin jaǵdaı, osy magıstraldyq gaz qubyrlary bir jelilik oryndaýmen salynǵan jáne tehnıkalyq múmkindikter men paıdalanýdyń normatıvtik merzimi sheginde jumys isteıdi. Osy jobalardy iske asyrý energetıkalyq qaýipsizdikti jáne eldiń batys óńirlerin damytý úshin qosymsha gaz kólemin tasymaldaýdy qamtamasyz etedi», - dedi ol mınıstrliktiń keńeıtilgen alqa otyrysynda.
Bolat Aqsholaqtyń atap ótýinshe, Mańǵystaý oblysynda týrıstik klasterdi damytý úshin osy jyly «Sarsha» aımaǵyn jáne «Jyly jaǵajaı» kýrorttyq aımaǵyn gazdandyrýdy aıaqtaý kózdelgen.
«Bul Kaspıı teńiziniń jaǵalaýynda týrıstik klasteriniń 10-nan astam nysanyn gazben qamtamasyz etýge múmkindik beredi. Birinshi vıtse-mınıstr Murat Jórebekovke QazaqGaz-ben birlesip, osy jobalardyń belgilengen merzimde iske asyrylýyn qamtamasyz etýdi tapsyramyn», - dedi mınıstr.
