Makarov tapanshasy Qazaqstan polıtsııasynyń qyzmettik qarýy tiziminen shyǵarylmaıdy
ASTANA. KAZINFORM – QR Іshki ister mınıstrligi polıtsııa qyzmetkerleriniń qarý-jaraǵyn jańartý múmkindigine qatysty túsinik berdi.
«Qaıta jaraqtandyrý máselesine toqtalsaq, atalǵan júıeniń tapanshasy talap etiletin taktıkalyq jáne tehnıkalyq sıpattamalarǵa tolyq sáıkes keletinin atap ótken jón. Onyń kólemi shaǵyn ǵana ári paıdalanýǵa ońaı. Sondyqtan osy tapanshany jaqyn arada qarýdyń basqa túrlerimen aýystyrý josparda joq», - delingen mınıstrliktiń Kazinform agenttigine bergen jaýabynda.
Atalǵan vedomstvo qoldanystaǵy zańnamada atys qarýyn jáne basqa da qarýdy, arnaıy quraldardy jáne dene kúshin qoldaný sharttarynyń tolyq tizbesi belgilengenin eske saldy.
Buǵan deıin QR Іshki ister mınıstrligi polıtseıler qaı jaǵdaıda qyzmettik qarýdy qoldanatynyn túsindirdi.
