Makaron men shaı nege QQS-dan bosatylmady – Salyq kodeksi

ASTANA. KAZINFORM – Senat depýtaty Zákirjan Kýzıev Salyq kodeksiniń Májilis qabyldanǵan nusqasynda halyq kóp tutynatyn azyq-túliktiń keıbir túri qosylǵan qun salyǵynan bosatylmaǵanyn synady.

- Reformanyń maqsaty – ádiletti, túsinikti jáne turaqty salyq saıasaty. Alaıda, nıet oń bolǵanymen, kodeks iskerlik ortada da, qoǵamda da alańdaýshylyq týyndatyp otyr. Birinshiden, qosylǵan qun salyǵynan bosatylǵan áleýmettik mańyzy bar taýarlardyń tizimi shekteýli, - dedi Zákirjan Kýzıev.

Aıýtynsha, QQS-dan bosatylǵan taýarlardyń ishinde halyq jıi tutynatyn azyq-túlik túrleri de bar.

- Qazaqstandyqtardyń shyǵyndarynyń 50%-dan astamy azyq-túlik ónimderine jumsalady. Biraq birinshi qajettilik deńgeıine jatatyn makaron, ekinshi sanattaǵy jumyrtqa, ósimdik maıy, shaı sııaqty taýarlardyń keıbir sanattary tizimnen tys qalǵan. Bul halyqtyń áleýmettik turǵydan barynsha osal qorǵalǵan toptardyń shyǵyndary ósetinin bildiredi, - dedi senator.

Eske salsaq, búgin senat depýtattary Salyq kodeksiniń jańa redaktsııasyn talqylap jatyr.