«Makao» oıynhanasynda zańsyz onlaın-kazıno uıymdastyrylǵany anyqtaldy

ALMATY. KAZINFORM – Qarjylyq monıtorıng agenttigi Almaty oblysy boıynsha departamentiniń qyzmetkerleri zańdy dep sanalatyn «Makao» oıyn mekemesinde onlaın-kazınony zańsyz uıymdastyrý faktisin anyqtady.

Onlaın-kazınoda oıynshyǵa jeke basyn anyqtaýsyz, qoldanystaǵy zańnamada belgilengen erejelerdi buza otyryp, sporttyq is-sharalarǵa stavka qoıýǵa, ıaǵnı oıyn ústelderi men rýletkalarda oınaýǵa múmkindik berilgen. Oıyndar «Makao» kazınosynyń ǵımaratynda júrgizilgen.

«Aǵymdaǵy jylǵy qańtardyń 16-nan 17-ne qaraǵan túni departamenttiń jedel-tergeý toby tintý júrgizdi, onyń barysynda: 225,5 mln teńge, 15 myńnan astam eýro, 719 myń rýbl, 34 myń ıýan, 38,5 myń AQSh dollary, uıaly telefondar, býhgalterlik qujattar, júıelik bloktar, resıver, beınekameralar, monıtorlar, flesh-kartalar, serverler men beıneregıstratorlar tabylyp, tárkilendi», — dep jazdy agenttikten.

Tergeý júrgizilýde. QR QPK-niń 201-baby tártibindegi ózge de aqparat jarııa etýge jatpaıdy.