Makao ınvestorlary Qazaqstanda sabandy qaıta óńdeý zaýytyn turǵyzady

BEIJІŃ. QazAqparat - Búgin Beıjińde QR Aýyl sharýashylyǵy mınıstrligi men CITIC Geyi Biorefineries Co., Ltd. kompanııasy arasynda ózaratúsinistik týraly memorandýmǵa qol qoıyldy, dep habarlaıdy QazAqparat.

Qujat Qazaqstanda sabandy qaıta óńdeıtin jáne odan qaǵaz, suıyq organıkalyq tyńaıtqyshtar, bıogaz jáne ózge de ónimder óndiretin zaýyt qurylysyna qatysty joǵary tehnologııalyq jobany júzege asyrý josparyna negiz salý maqsatyn tutady.

Qazaqstandyq taraptan qujatqa QR Aýyl sharýashylyǵy vıtse-mınıstri Gúlmıra Isaeva qol qoıdy. Al CITIC Geyi Biorefineries Co., Ltd-nyń Dırektorlar keńesi atynan qoldy kompanııanyń negizgi ınvestory, makaonyń beldi ınvestory Devıd Choý qoıdy.

Kelisim Qazaqstan Prezıdenti Nursultan Nazarbaevtyń Qytaı Halyq Respýblıkasyna sapary barysynda jasaldy.

Eske salsaq, búgin Beıjińde «Bir beldeý, bir jol» strategııasy sheńberinde halyqaralyq yntymaqtastyq boıynsha joǵary deńgeıdegi ekikúndik Forým  óz jumysyn bastady. Oǵan 29 memlekettiń jáne 3 iri halyqaralyq uıymnyń (BUU, Dúnıejúzilik bank, Halyqaralyq valıýta qory) basshylary qatysýda.