Maqanshyda da jolǵa qyzyl sý jaıylyp, kólik qozǵalysyna tyıym salyndy

SEMEI. KAZINFORM — Tótenshe jaǵdaılar mınıstrligi Abaı oblysynyń Maqanshy aýdanyndaǵy jaǵdaı boıynsha málimet taratty. 

Maqanshy aýylynan 11 shaqyrym jerde, oblystyq mańyzy bar «Maqanshy-Jalańashkól» avtojolynda qardyń qarqyndy erýine baılanysty jol tósemi arqyly erigen qar sýy jolǵa jaıyldy.  

Kólik qozǵalysy toqtatyldy, aınalma joldar bar.

Polıtsııa departamentiniń kúshimen aınalma jol arqyly júrýge bolady, tyıym salý belgileri qoıyldy. 

«ıArýs» JShS jol qyzmeti monıtorıng júrgizip jatyr. Eldi mekenderdi sý basý jáne joldyń shaıylý qaýpi joq. Turǵyn úılerge qaýip tónip turǵan joq. Qazirgi ýaqytta jergilikti jerde 50-ge jýyq adam jáne 4 tehnıka jumys atqaryp jatyr. Qosymsha Aıagóz qalasynyń jedel-qutqarý jasaǵynyń jáne Maqanshy aýylynyń № 18órt sóndirý bóliminen kúsh-quraldary, jeke quramnan 12 adamy, 7 tehnıka jiberildi» dep habarlady TJM.

Maqanshy aýdanynyń ákimi Dáýren Qoıgeldın men Úrjar aýdanynyń TJB bastyǵy Bektyǵazy Saıanov oqıǵa ornynda. Jaǵdaı baqylaýda.

Abaı oblysy TJD-dan 25-ke jýyq adam, 10-ǵa jýyq tehnıka oqıǵa ornyna attandy.  

Eske sala keteıik, buǵan deıin Tarbaǵataıda qar erip, Taskesken-Baqty jolyn sý basqanyn habarlaǵan edik.