MAK ushaqtardy «eski» jáne «jańa» dep bólmeýge ótindi
ASTANA. 22 qarasha. QazAqparat - Memleketaralyq avıatsııalyq komıtet (MAK) Qazandaǵy «Boıng» apaty jóninde mezgilinen buryn qorytyndy shyǵarýdan tartynýǵa shaqyrdy. Aıta keteıik, apatqa ushaqty paıdalaný merzimi yqpal etýi múmkin degen tujyrymdar da sóz bolǵan edi. Bul ushaq 20 jyl buryn shyǵarylǵan kórinedi. Esterińizge sala keteıik, 17 qazanda Máskeýden Qazanǵa baǵyt alǵan «Boıng» qoný kezinde apatqa ushyrady. Sonyń saldarynan 44 jolaýshy men 6 ekıpaj múshesiniń ómiri qıyldy.
VVS-diń jazýynsha, MAK óziniń málimdemesinde halyqaralyq uıymnyń standarttary boıynsha azamattyq avıatsııada «eski» jáne «jańa» ushaq degen túsinik joq ekenin atap ótken. «Áýe kemeleriniń apattary men ushaqtyń jasy arasynda tikeleı baılanys joq»,-delingen komıtet málimdemesinde. Sonymen qatar komıtet aýyr qaıǵyly oqıǵa jaǵdaıynda «pıar» men popýlızmnen tartyný ótinishin jasady. Óıtkeni, bundaı áreketter apatta qaza bolǵandardyń týǵan-týysqandarynyń janyn jaralaıdy, sondaı-aq avıatsııalyq salanyń jumysyna kedergi keltiredi.
