MAK Boeing qara jáshigindegi jazbalar boıynsha alǵashqy málimetterdi jarııalady

«Ekıpaj ushaqty qondyrý kezinde syzbamen belgilengen normatıvtik qujattamaǵa sáıkes standartty kirýdi oryndaı alǵan joq. Ushý-qoný jolaǵyna qatysty ushaqtyń jaǵdaıyn "qonatyn emes" dep baǵalaı kele, ekıpaj dıspetcherge baıandap, TOGA rejıminde (Take Off / Go Around. Ushý / Ekinshi aınalymǵa ketý) ekinshi aınalymǵa kete bastady. Sonymen qatar, qoný kezinde paıdalanylatyn eki avtopılottyń biri isten shyǵyp, ári qaraı ushý qolmen aıdaý tártibinde júzege asyryldy", - dep aıtylǵan mamandardyń esebinde.

Túsindirýden osydan soń qozǵaltqyshtardyń ushýǵa jaqyn rejımge shyqqany uǵynyqty boldy.

700 metr bıiktikke kóterilip, ushý sońynda laınerdiń tangajdyq buryshy 75°-qa jetti. Ushaq saǵatyna 450 shaqyrymnan astam jyldamdyqpen jerge soǵyldy. Esepte ekinshi aınalymǵa ótý sátinen qara jáshiktegi jazýdyń aıaqtalýyna deıin 45 sekýndqa jýyq ýaqyt ótkeni aıtylǵan.

"Kúsh qurylǵylary ushaqtyń jermen soqtyǵysýyna deıin jumys istep turǵan. Aldyn ala saraptaý qorytyndysy boıynsha ushaq jáne qozǵaltqyshtardyń júıeleri men agregattarynan aqaýlar anyqtalǵan joq", - dep túıindedi MAK mamandary.

Eske sala keteıik, 17 qazan kúni Máskeýden ushqan «Tatarstan» áýe kompanııasynyń Boeing 737-500 ushaǵy qulaǵan kezde birneshe bólikke bólinip ketti. Onyń bortynda 44 jolaýshy men 6 ekıpaj múshesi bolǵan. Barlyǵy da qaza tapty. Olardyń arasynda Tatartstan prezıdentiniń balasy Irek Mınnıhanov pen respýblıka boıynsha FQQB basshysy Aleksandr Antonov bolǵan. Bul fakti boıynsha qylmystyq is qozǵaldy.