Mail.Ru saıtynda aqyly serıaldar paıda bolady
ASTANA. 14 qańtar. QazAqparat - Mail.ru Group basshylyǵy «Afısha Mail.Ru» saıtynda aqyly fılmder men serıaldar kitaphanasyn qurý josparlaryn málim etti. Bul týraly «Lenta.rý» saıtyna kompanııanyń PR-menedjeri Elena Melnıkova habarlady.
Melnıkovanyń aıtýynsha, Mail.ru jobasyn júzege asyrý úshin Reseıde amerıkandyq NVO telearnasynyń kontentin kórsetý quqyǵyn ıelengen «Amedıa» kompanııasymen kelissózder júrgizilýde.
«Qazir saıtta aqyly kontent naq qandaı formatta paıda bolatyny týraly aıtý áli erterek», dep málimdedi Melnıkova jáne áńgime aqyly negizge tolyq kóshý jóninde emes, qazirgi jumys jasap turǵan «Afıshe Mail.Ru» bazasyn tegin fılmdermen toltyrý jóninde bolyp otyr, dep atap kórsetti.
2013 jylǵy jeltoqsanda «Afısha» saıty aqyly beınekontentke qoljetimdi óz alańyn iske qosty. «Afısha-Serıaldar» jobasy aýqymynda saıtta birneshe júz reseılik jáne sheteldik fılmder jınaldy. Jobanyń áriptesteriniń biri «Amedıa» kompanııasy boldy.
Mail.ru portalynyń bir bóligi bolyp tabylatyn «Afısha Mail.Ru» paıdalanýshylarǵa 500-den astam serıalǵa qoljetimdilikti usynady. Fılmder paıdalanýshylarǵa tegin júzege asyrylady, degenmen vıdeony paıdalaný aldynda qysqasha jarnamalyq rolık iske qosylady.
