Mahmut Sabyrhan Astanadaǵy Elorda Cup týrnıriniń fınalyna shyqty

ASTANA. QazAqparat – Astanada ótip jatqan bokstan «Elorda Cup» halyqaralyq týrnıriniń jartylaı fınalynda 57 kelige deıingi salmaq dárejesinde boksshy Mahmud Sabyrhan Serik Temirjanovtan basym tústi, dep habarlaıdy QazAqparat Sports.kz portalyna silteme jasap.

«Qazaqstandyq Lomachenko» degen atpen tanylǵan 2023 jylǵy álem chempıony Mahmud Sabyrhan rıngte 2021 jylǵy álem chempıonatynyń jáne 2022 jylǵy Azııa chempıonatynyń kúmis júldegeri Serik Temirjanovpen kezdesti. Qaıta-qaıta soqqy almasyp, qarqyndy ótken jekpe-jekte Mahmud Sabyrhan 4:1 esebimen jeńiske jetti.

Buǵan deıin bokstan Qazaqstan quramasynyń taǵy bir kóshbasshysy Sáken Bıbosynov (51 kg) fınalǵa joldama alǵan bolatyn.

«Elorda kýboginiń» fınal oıyndary 2 shilde kúni ótedi.