Mahmud Sabyrhan álem chempıonyn utyp, fınalǵa joldama aldy

ASTANA. QazAqparat - Tashkent qalasynda bokstan erler arasynda ótip jatqan álem chempıonatynda Mahmud Sabyrhan fınalǵa joldama aldy, dep habarlaıdy QazAqparat tilshisi.

Qazaqstandyq boksshy jartylaı fınalda álem chempıony, kýbalyq Iosvanı Veıtııamen judyryqtasty.

Birinshi raýndta bes tóreshi túgel qazaqstandyq bosshy basym dep tapty. Ekinshi kezeńde tórteýi berdi. Qorytyndy esep - 5:0.

Eske sala keteıik, búgin bes qazaqstandyq boksshynyń álem chempıonatynyń fınalyna shyǵý úshin talasatynyn jazǵan bolatynbyz.

Qazaqstan quramasynan alǵashqy boksshy álem chempıonatynyń fınalyna shyqty.