Mahmud Sabyrhan tehnıkalyq nokaýtpen jeńiske jetti
ASTANA. KAZINFORM — Qazaqstandyq boksshy Mahmud Sabyrhan kásipqoı bokstaǵy debıýtin sátti bastady.
Mahmud Astanada ótip jatqan «Battle of the Brave» boks keshinde sharshy alańǵa shyǵyp, Vetnam eliniń ókili Dang Dak Haınhpen (2-1, 2 KO) judyryqtasty.
Aıqastyń ekinshi raýndynda vetnamdyq boksshy Tórehannyń aýyr soqqysynan keıin jekpe-jekti jalǵastyrýdan bas tartty. Osylaısha, otandasymyz kásipqoı mansabyndaǵy debıýtinde tehnıkalyq nokaýtpen jeńiske jetti.
Aıta keterligi, 2023 jylǵy álem chempıony Mahmud osyǵan deıin kolýmbııalyq Nıkolas Tordesılıamen judyryqtasýy kerek bolǵan edi.
Osyǵan deıin habarlaǵanymyzdaı, búgin «Barys Arena» muz saraıynda otandyq jáne sheteldik boks juldyzdarynyń qatysýymen úlken tarıhı boks keshi ótip jatyr.
Keshtiń basty jekpe-jeginde el tarıhynda alǵash ret IBF jáne WBO tujyrymy boıynsha orta salmaqtaǵy álem chempıony Jánibek Álimhanuly (16-0, 11 KO) óz belbeýin Frantsııadan kelgen úmitker Anaýel Ngamıssıngege (14-0, 9 KO) qarsy qorǵaıdy.
Boks keshinde Mahmud Sabyrhannyń týǵan inisi Tórehan Sabyrhan kásipqoı bokstaǵy alǵashqy jekpe-jeginde jeńiske jetti.