Mahmud Sabyrhan men Natalıa Bogdanova «Jyldyń úzdik boksshysy» nomınatsııasyna usynyldy
ASTANA. KAZINFORM — World Boxing halyqaralyq federatsııasy «Jyldyń úzdik boksshysy» ataǵyna úmitkerlerdi jarııalady.
Ulttyq olımpıadalyq komıtettiń málimetinshe, úmitkerler tizimine Qazaqstan ulttyq quramasynyń eki boksshysy endi.
Erler arasynda bıyl álem chempıonatynda jeńiske jetip, Astanada ótken álem kýbogynyń kezeńinde top jarǵan Mahmud Sabyrhan nomınatsııaǵa usynyldy.
Al áıelder arasynda Natalıa Bogdanova úmitker atanyp otyr. 2025 jyly ol álem chempıonatynda altyn medal jeńip aldy.
Aıta keteıik, ár nomınatsııa boıynsha 5 boksshydan usynylǵan. Daýys berý 26 jeltoqsanǵa deıin jalǵasady jáne Instagram jelisinde jankúıerler arasynda «1 lúpil = 1 daýys» erejesimen ótkiziledi. Osy silteme arqyly daýys berýge bolady.
Eske sala keteıik, buǵan deıin Balaýsa Muzdyman kezekti jekpe-jeginiń aldynda jaraqat alyp qalǵanyn jazǵanbyz.