Mahmud Sabyrhan kásipqoı bokstaǵy alǵashqy jekpe-jeginde kimmen judyryqtasady

ASTANA.KAZINFORM – 23 jastaǵy álem chempıony, Qazaqstan ulttyq qurama sapynda el namysyn qorǵap júrgen Mahmud Sabyrhan kásipqoı boksta alǵashqy jekpe-jegin ótkizedi.

Nomad Promotions kompanııasynyń habarlaýynsha, Mahmud Sabyrhan 5 sáýir kúni ótetin Jánibek-Anaýel aıqasy anderkartynda judyryqtasady. Onyń qarsylasy — fılıppındik Djeı Frensıs Býraı (13-3-1, 3 KO).

Boksshylar 55,3 kg salmaqta 6 raýndtyq jekpe-jek ótkizedi.

Eske sala ketsek, Jánibek Álimhanuly kezekti jekpe-jeginde Anaýel Ngamıssengýge (14-0, 9KO) qarsy chempıondyq beldikterin qorǵaıdy.

Sondaı-aq bul kúni Sultan Zaýyrbek pen Batyr Júkembaev ta boks keshiniń kórigin qyzdyrady dep josparlanyp otyrǵany belgili boldy. 

Kásipqoı boksshy osyǵan deıin ótken baspasóz maslıhatynda Kazinform tilshisine aldaǵy jospary týraly aıtyp bergen bolatyn.