Mahmýd Abbas otstavkaǵa ketti
ASTANA. QazAqparat - Palestına memleketiniń prezıdenti Mahmýd Abbas Palestınany azat etý uıymynyń (PAU) tóraǵasy laýazymynan ketýi týraly ótinish berdi, dep habarlaıdy TASS Maan aqparattyq agenttigine silteme jasap.
Óziniń bul sheshimi jaıly palestındik kóshbasshy Iordan ózeniniń batys jaǵalaýyndaǵy Ramalla qalasynda ótip jatqan el basshylarynyń otyrysynda jarııa etken.
Abbastyń otstavkasy avtomatty túrde PAU-nyń jańa quramy saılanatyn Palestına Ulttyq keńesiniń (PUK) tótenshe sessııasyn ótkizýge jol ashady. Sessııa 1996 jyldan beri ótkizilmegen bolatyn.
PUK Palestınany azat etý uıymynyń joǵary organy bolyp sanalady. Oǵan 740 adam múshe. PUK-niń sońǵy keńesi 2009 jyly ótken edi.
