Mahashqalada erkin kúresten Álem kýbogy ótedi
ALMATY. 4 naýryz. QazAqparat /Erlik Erjanuly/ - 19-20 naýryz kúnderi Reseıdegi Mahashqalada erkin kúresten Álem kýbogy jarysy ótedi.
Onda Qazaqstan men Vengrııa quramalarynyń birlesken komandasy baq synaıtyn bolady. Qazaqstan namysyn qorǵaýdy bapkerler 2010 jylǵy Qazaqstan kýbogynyń jeńimpazdary Ǵabıt Tólepbaı (55 kg) men Maqsat Daýylbaev (66 kg) jáne jasóspirimder arasyndaǵy 2009 jylǵy Azııa chempıony Saıatbek Oqasovqa senip tapsyryp otyr. Al 74, 84, 96 jáne 120 keli salmaqtarda bul dúbirli dodada komanda namysyn Vengrııa balýandary qorǵamaq. Álem kýbogy aldynda qazaqstandyq balýandar qazir Mınskide ótip jatqan 3 dúrkin Olıpıada chempıony Aleksandr Medvedtiń júldesine arnalǵan halyqaralyq týrnırge qatysyp jatyr. Jarys 5-naýryz kúni aıaqtalady.
