Mahambettegi Taldykól aýylynyń turǵyndaryn májbúrli evakatsııalaý bastaldy
ATYRAÝ. KAZINFORM – Mahambet aýdanyndaǵy Taldykól aýylynyń turǵyndaryn májbúrli evakatsııalaý bastaldy.
Atyraý oblysynyń jedel shtabynan málim etkendeı, Taldykól aýylynyń 250 turǵynyn túgeldeı evakýatsııalaýǵa sheshim qabyldanǵan.
«Sý basý qaýpiniń kúsheıýine baılanysty tolyq evakýatsııalaý turǵyndardyń qaýipsizdigi úshin jasalyp otyr. Birneshe kún buryn Taldykólden 207 turǵyn Atyraý qalasyna evakýatsııalanǵan edi. Al, 422 turǵyn óz qalaýlarymen týystarynyń úıine ornalasqan bolatyn. Endi turǵyndar H.Dosmuhamedov atyndaǵy Atyraý ýnıversıtetiniń №1 jataqhanasyndaǵy evakýatsııa pýnktine ornalastyrylady. Óz qalaýymen týystarynyń úıine de bara alady», - dep habarlady oblystyq jedel shtab.
Qazir Taldykól aýylynyń turǵyndaryn evakýatsııalaýǵa Qorǵanys mınıstrliginiń 59 sarbazy, Tótenshe jaǵdaılar mınıstrliginen 17 qyzmetker, arnaıy tehnıkalar tartylǵan.
Eske sala ketelik, buǵan deıin Atyraýǵa kóshirilgen Taldykól turǵyndary aýylymyzdy tasqyn sý baspasa eken degen edi.
