Mahambet Dosmuhambetov turǵyndardy onlaın qabyldady
ATYRAÝ. QazAqparat – Atyraý oblysynyń ákimi Mahambet Dosmuhambetov turǵyndardy onlaın formatta qabyldady, dep habarlaıdy QazAqparat óńirlik kommýnıkatsııalar qyzmetine silteme jasap.
Oblys ákiminiń qabyldaýyna qatysqandar áleýmettik másele boıynsha árqıly ótinishin bildirdi. Birqatary turǵyn úı jáne jalaqysy joǵary jumyspen qamtýǵa kómek qolyn sozýdy surady.
Azamattardyń ótinishin tyńdaǵan Mahambet Dosmuhambetov qozǵalǵan máselelerdi zań sheńberinde sheshý joly qarastyrylatynyna toqtaldy.
Sondaı-aq, ákim ár ótinishtiń artynda adam taǵdyry turǵandyqtan, jeke óz baqylaýyna alatynyn jetkizdi.
Óńir basshysy azamattardy onlaın qabyldaýǵa qatysqan laýzym ıelerine ótinishterge qatysty tıisti tapsyrmalar berdi.
