Mahambet Dosmuhambetov: Kórisý - baǵzydan kele jatqan qundy dástúrimiz
ATYRAÝ. QazAqparat – Kórisý – baǵzydan kele jatqan dástúrimiz, qundy ǵurpymyz. Búgingi Kórisý kúnimen quttyqtaǵan Atyraý oblysynyń ákimi Mahambet Dosmuhambetov osyndaı pikir bildirdi, dep habarlaıdy QazAqqparat.
«Táýelsizdik jyldarynda ultymyzdyń rýhanııaty qaıta jandanyp, ulttyq kodymyz jańǵyrdy. Tereń tarıhymyz ben baı salt-dástúrimizdi túletý úshin memleket tarapynan
úlken qoldaý jasalyp keledi. Máńgilik el qurýǵa negiz bolatyn erekshe qundylyqtarymyz osylaısha jas urpaqtyń sanasyna sińirilýde.
Halqymyzdyń ortaq salt-dástúrimen qatar, baıtaq elimizdiń keı aımaǵynda ózine tán jol- joralǵylary da bar. Bul Altaıdan Atyraýǵa deıingi aralyqty en jaılaǵan elimizdiń ulttyq ádet-ǵuryptarǵa barynsha baı ekenin kórsetedi. Sonyń biri – óńirimizde erekshe atalyp ótetin Kórisý merekesi» -dep jazdy Facebook jelisinde oblys ákimi Mahambet Dosmuhambetov.
Ákimniń aıtýynsha, bul – babalarymyzdan beri kele jatqan baǵzy dástúr, qundy ǵurpymyz. Qytymyr qystan shyqqan el kóktemniń lebindeı kóńildenip, bir-birinen amandyq-saýlyq surasyp, kórisedi. Jastar jaǵy qarııalarǵa iltıpat-izet kórsetip, úlkender bolsa, jas urpaqqa atalyq aq batalaryn beredi. Árbir shańyraqta jyly-jumsaǵy mol arnaıy dastarqan jaıylady.
«Jyl boıy kórispegen aǵaıyn-týma, kórshi-kólem as-dám men aqtan aýyz tıip, bir-birine jyly lebizderin arnaıdy. Osy ıgi dástúrimiz búginde berik rýhanı qazynamyz retinde
ornyǵyp, jalpy adamı qundylyqtar men izgiliktiń órisine aınaldy» -dedi óńir basshysy.
Eske sala ketelik, budan buryn Atyraý oblysynyń bas sanıtar dárigeri MádenıetTanaýov Kórisý kúninde úlkenderdi tek telefonmen, vıdeoqońyraýmen quttyqtaýǵa
usynys jasaǵan 4 bolatyn.
