Mahambet Dosmuhambetov Atyraý oblysyndaǵy epıdahýalǵa qatysty esep berdi

«Jalpy, Atyraý qalasy men aýdandarda epıdemıologııalyq jaǵdaı turaqty. Oblys boıynsha sońǵy aptada koronavırýs ınfektsııasynyń 564 jaǵdaıy tirkeldi. Onyń ishinde 379 jaǵdaı nemese 67 paıyzy Teńiz ken ornyndaǵy vahtalyq qalashyqtarda anyqtaldy. Oblysta anyqtalǵan jaǵdaılardyń 81 paıyzy, sonymen qatar Teńiz ken ornynda anyqtalǵan jaǵdaılardyń 89 pıyzy sımptomsyz sanalady. Reprodýktıvtik ındeksi 1,01 paıyzdy quraıdy. Oblystyń bas sanıtar dárigeriniń qaýlysymen Teńiz ken ornyndaǵy karantın uzartyldy jáne shekteý sharalary kúsheıtildi», - dedi óńir basshysy.

Onyń aıtýynsha, oblysta 1933 ınfektsııalyq tósek-oryn ázirlengen. Statsıonarlarda 864 naýqas em alyp jatyr. Tósek-oryn júktemesi 45 paıyzdy quraıdy. 13 naýqas reanımatsııada.

«Oblysta 4 MRT apparaty, 12 kompıýterlik tomografııa apparaty, 27 rentgen apparaty, 669 ottegi kontsentraty, 1 514 pýlsmetr, 267 ókpeni jasandy jeldetý apparaty, 6 ottegi stansasy, 113 jedel medıtsınalyq járdem kóligi, 7 jyljylmaly medıtsınalyq keshen bar. KVI pnevmanııasy jáne JRVI-men syrqattanǵan oblys turǵyndaryna ambýlatorlyq deńgeıdegi kómekti medıtsınalyq-sanıtarlyq alǵashqy kómek uıymdarynyń janynan qurylǵan 126 mlbıldi top kórsetip otyr. Barlyq medıtsınalyq uıymdarda jeke qorǵanysh quraldarynyń 2 aılyq qory bar. Oblysta táýligine 7 myńǵa jýyq zertteý múmkindigi bar 11 PTR zerthanasy jumys istep tur. Іndet bastalǵannan beri oblysta 575 myń zertteý júrgizildi. Sońǵy aptada ortasha táýliktik kórsetkish 3 975 testini quraıdy. 2021 jyldyń qańtar aıynda júrgizilgen PTR zertteýlerdiń sany ótken jyldyń jeltoqsanymen salystyrǵanda 23 paıyzǵa artyp otyr», - dedi Mahambet Dosmuhambetov.

Onyń aıtýynsha, óńir aýmaǵynda 10 653 reıd júrgizilip, 33 422 nysan tekserildi. 623 materıal boıynsha 95 mln-ǵa jýyq aıyppul salyndy.