Mahambet aýdanynda jańbyr sýy buzǵan kópirdi bas merdiger qalpyna keltiredi
NUR-SULTAN. QazAqparat – «Áleýmettik jelilerde tarap jatqan Mahambet aýdanyndaǵy kópirdiń buzylǵan jerleriniń sýretine qatysty Mahambet aýdandyk turǵyn úı-kommýnaldyk sharýashylyk, jolaýshylar kóligi jáne avtomobıl joldary bólimi túsinikteme berdi, dep habarlaıdy Ortalyq kommýnıkatsııalar qyzmetiniń Atyraý oblystyq fılıaly.
Atalǵan bóliminiń habarlaýynsha, Atyraý oblysy Jolaýshylar kóligi jáne avtomobıl joldary basqarmasy» memlekettik mekemesiniń tapsyrysyna sáıkes, Mahambet aýdany Jalǵansaı aýyldyq okrýginde ornalasqan, Jaıyq ózeni arqyly ótetin uzyndyǵy 8030 metr kópir ótkeliniń qurylysy 2018 jyly aıaqtalyp, paıdalanýǵa berilgen bolatyn.
Qurylysyn júrgizgen bas merdiger mekeme — «Atyraýınjstroı» JShS.
2020 jyldyń 17 kúni bolǵan nóser jaýynnyń kesirinen atalǵan kópirdiń betindegi jaıaý júrginshi joly aýmaǵynda asfalt jabyndysy tesilip, sarqyn sýmen oıys paıda boldy. Bul týraly Oblystyq Jolaýshylar kóligi jáne avtomobıl joldary basqarmasyna dereý habarlandy. Kópir qurylysyn júrgizgen bas merdiger «Atyraýınjstroı» JShS mamandary zerdeleý jumystaryn júrgizýde jáne qysqa merzimde 5 jyldyq kepildemesine sáıkes aqaýlyqty qalypqa keltiretin bolady.
