Mahambet aýdanynda Jaıyq ózeniniń deńgeıi tómendep keledi

ATYRAÝ. KAZINFORM – Kúni búginge deıin kóktemgi ór sýy Aqjaıyq aýylyna kóp kólemde kelgen bolsa, búginde sý deńgeıi birtindep tómendep keledi. Budan bólek Aqqaıyń jáne Taldykól aýyldarynda jaǵdaı turaqty. Bul týraly Atyraý oblysynyń TJ jónindegi jedel shtaby málimdedi.

Qazir Taldykól aýylyn tasqynnan qorǵaý jumystary qarqyndy júrip jatyr. Aýdan ortalyǵymen qatynas úzilmeý úshin avtokólik joldaryn tasqyn shaıýdyń aldyn alý jumystary atqarylyp jatyr. Aýyl aınala bógetpen qorshalǵan.

«Aýdanymyzda 60-tan astam sharýa-qojalyq sý astynda qaldy. Qazir sharýagerler tarapynan tasqynnan zardap shekkeni týraly ótinish kelip, ony zań aıasynda tıisti mamandarmen birge qaraımyz. Bir qýanarlyǵy, aýdan boıynsha eshqandaı turǵyn úı sýǵa ketken joq», - dedi Mahambet aýdanynyń ákimi Qaırat Nurlybaev.

AnyqAıta keteıik, Mahambet aýdanynda 30 myńnan astam adam turady. Jalpy uzyndyǵy 80 shaqyrym bóget turǵyzyldy. Bóget nyǵaıtý jumystaryna 800 myńnan astam qum toltyrylǵan qap tóselgen. 217 birlik arnaıy tehnıka, 3500 erikti, 650 áskerı tehnıka jumyldyrylǵan.

Buǵan deıin Atyraý qalasynda Jaıyq ózeniniń sýy ekinshi kún qatarynan kóterilmegenin jazǵan edik.