Mahachkalanyń jaǵarmaı quıý stantsııasyndaǵy jarylystan 12 adam qaza boldy, 70-ke jýyǵy aýrýhanada

MAHAChKALA. QazAqparat – Tamyzdyń 14-inen 15-ine qaraǵan túni Daǵystan astanasy Mahachkala qalasynda janar-jaǵar maı quıý stantsııasynda jarylys bolyp, úlken órt boldy, dep habarlaıdy QazAqparat TASS-qa silteme jasap.

Sońǵy málimetterge sáıkes, jalyn 600 sharshy metr aýmaqty sharpydy.

Daǵystan basshysy Sergeı Melıkov tilshilerge málim etkendeı, jarylys jaǵar maı quıý stantsııasyna qarsy bette bolǵan. Sebebi men saldary anyqtalyp jatyr.

Otyn quıylǵan segiz tsısternanyń ekeýi jarylǵan.

Resmı derek boıynsha, oqıǵa saldarynan 12 adam qaza boldy, onyń ishinde 2 bala bar. Taǵy 66 adam zardap shekti, onyń 13-i – balalar, 10 adamnyń jaǵdaıy aýyr.

Mahachkalanyń medıtsına mekemeleri kúsheıtilgen rejımge aýystyryldy. RF Densaýlyq mınıstrligi Mahachkala aýrýhanalarynda tósek oryn jetkilikti ekenin aıtty.

Daǵystannyń kóptegen turǵyny zardap shekkender úshin qan tapsyrýǵa respýblıkalyq qan quıý stantsııasyna bardy.

Qazirgi ýaqytta órt tolyǵymen sóndirildi.