Mahachkalada janarmaı beketinde jarylys bolyp, 4 adam japa shekti
ASTANA. QazAqparat - Daǵystan Respýblıkasynyń astanasy Mahachkalada janarmaı beketinde oryn alǵan jarylystan 4 adam japa shekti, dep jazady RIA «Novostı».
TJM málimetterine súıensek, jergilikti ýaqyt boıynsha 18.10-da qaladaǵy janarmaı quıý beketteriniń birinde jarylys bolǵan.
«Kúıik shalǵan úsh zardap shegýshi respýblıkalyq aýrýhanaǵa jetkizilgen. Olardyń biriniń denesiniń 90%-y kúıgen. Ekinshi adamnyń denesiniń 50 paıyzy, úshinshisiniń 30 paıyzy kúıgen. Sondaı-aq, jaryqshaqtar tıip, jeńil jaralanǵan bir áıel de gospıtalǵa jatqyzylǵan», - delingen habarlamada.
Daǵystan TJM-i jarylys kesirinen úsh jeńil kólik jáne bir júk mashınasy zaqymdanǵanyn habarlaǵan.
