Mahachkalada Paıǵambar (s.a.s.) tábárigin tamashalaýǵa 2 mıllıonnan asa adam kelgen
ASTANA. 4 qyrkúıek. QazAqparat - Tamyz aıynyń 26-nan qyrkúıektiń 1-ne deıin Daǵystan astanasy Mahachkala qalasynda ótken Paıǵambarlar padıshasy - Muhammed Mustafanyń (Allanyń ıgiligi men sálemi jaýsyn) qoldanǵan buıymdary men ózge de jádigerlerdi óz kózimen kórý úshin kórmege 2 mln-nan asa adam kelgen.
Muslim.kz saıtynyń jazýynsha, tamyzdyń 25-i kúni Birikken Arab Ámirlikterinen arnaıy reıspen Daǵystanǵa 20-dan astam jádiger ákelingen.
«Osy apta aralyǵynda qoǵamdyq tártipti qadaǵalaý úshin quqyq qorǵaý organdarynyń 1,9 myń qyzmetkeri jumyldyrylǵan», - dep aıtylǵan atalmysh vedomstvo habarlamasynda.
Osy kórme kezinde 3,2 myń adam medıtsınalyq jedel járdemge júgingen. Olardyń 12-si aýrýhanaǵa jetkizildi. Kórme kezinde tynyshtyq saqtalyp, tártip buzý oqıǵasy tirkelmegen.
