«Mahabbat» TK janyndaǵy kisi óliminiń mán-jaıy anyqtaldy
ASTANA. QazAqparat - Astana ІІD-niń ókilderi «Mahabbat» turǵyn úı kesheni janyndaǵy er adamnyń óltirilýine qatysty pikir bildirdi, dep habarlaıdy QazAqparat.
«6 tamyz kúni saǵat 02.20-lar shamasynda Saryarqa dańǵylynda qastandyqpen óltirilgen (pyshaq jaraqaty) 32 jastaǵy er adamnyń máıiti tabyldy. Atalǵan fakt boıynsha QR QK 99-baby negizinde sotqa deıingi tergeý jumystary júrip jatyr», - dep habarlady departament ókilderi.
Astanalyq ІІD habarlaǵandaı, kúdikti retinde 23 jastaǵy Pavlodar turǵyny ustaldy jáne ol ýaqytsha ustaý oqshaýlaǵyshyna qamaldy. Kúdiktiden tabylǵan zattaı aıǵaq (pyshaq) tárkilendi.
Er adamnyń ólimi áleýmettik jelide úlken daýǵa aınaldy. Atap aıtqanda, astanalyq qyz «Mahabbat» TK janynda bolǵan qaıǵyly oqıǵaǵa bıliktiń mán berýin jáne qylmystardyń aldyn alýyn talap etti.
«Keshe túnde bizdiń aýla mańynda 1985 jyly týǵan jas jigitti aıýandyqpen óltirip ketti! (...) Óz úıimizge qoryqpaı kelip, óz aýlamyzda alańsyz júrgimiz keledi», - dep jazdy ol.
Qazirgi ýaqytta kisi ólimi boıynsha tergeý amaldary júrip jatyr.
