«Mahabbat shaıyry» stýdenttermen kezdesti
ALMATY. 17 qarasha. QazAqparat /Erlik Erjanuly/ - Búgin Almatyda aqyn, dramatýrg Israıl Saparbaıdyń «Mahabbat - máńgi ertegi» dep atalatyn jyr keshi ótti. Ál-Farabı atyndaǵy Qazaq ulttyq ýnıversıteti fılologııa, ádebıettaný jáne álem tilderi fakýltetinde bolǵan bul sharany «Ádebı júzdesýler» klýby uıymdastyrdy.
Onda qazaq ádebıeti jáne ádebıet teorııasy kafedrasynyń meńgerýshisi, fılologııa ǵylymdarynyń doktory, professor Ómirhan Ábdimanuly aqynnyń 70 jyldyq mereıtoıyna arnalǵan jyly lebizin bildirip, ıyǵyna shapan japty. Jyr súıer qaýymdy óleńmen sýsyndatyp qana qoımaı, birqatar jas aqyndardyń tusaýyn kesti.
«Paıǵambarymyz bir sózinde: «menen keıin paıǵambar kelmeıdi, aqyndar keledi» degen ǵoı. Mine, sonyń aıǵaǵy búgingi kesh bolyp otyr. Men óte baıyp otyrmyn, ıaǵnı ádebıetke, jyrǵa, poezııaǵa, óleńge qumar jastardy, boıjetkender men bozbalalardy kórip marqaıyp otyrmyn. Poezııa - adam janyn jumsartady, náziktik, meıirim shýaǵyn quıady. Osy kezekte men ókinetin bir tus bar ol, poezııamen emdeý seansyn damytý kerek edi dep oılaımyn. Sebebi, óleńde, jyrda adam janyn qataldyqtan, qattylyqtan emdeıtin kúsh bar», - deıdi táýelsiz «Platınaly Tarlan» syılyǵynyń ıegeri I. Saparbaı.
