«Mahabbat besigi» dep atalatyn kórkem fılm jaryq kórdi
ALMATY. 18 sáýir. QazAqparat - Búgin Almatyda «Cinema Towers» kınoteatrynda rejısser Toqtar Qarsaqbaevtyń «Mahabbat besigi» atty kórkem fılminiń tusaýkeseri ótti.
Ony Sháken Aımanov atyndaǵy «Qazaqfılm» kınostýdııasy túsirip otyr. Fılm stsenarııiniń avtory jáne qoıýshy rejısseri Toqtar Qarsaqbaev, operatory Murat Nuǵymanov, sýretshisi Alekseı Shındın, prodıýseri Maıra Qarsaqbaeva. Onda basty keıipkerlerdi Ádil Tálipov, Arýjan Jazylbekova, Dınara Tilendıeva, Leın Devıs, Orynǵalı Ahmetov sııaqty akterler somdaǵan. Bul melodrama Marat pen Aneldiń arasyndaǵy mahabbat pen olardyń aınalasynda júrgen jaqyn adamdardyń áleýmettik-psıhologııalyq qarym-qatynasqa qurylǵan.
«Men bul fılmdi Abdolla Qarsaqbaevtyń rýhyna arnaımyn. «Meniń atym Qoja» sııaqty fılmimen Keńes Odaǵy dáýirinde halyqaralyq «Kann kınofıstıvaline» qatysqan ekinshi rejısser bolǵan A.Qarsaqbaev áke retinde ǵana emes, ulttyq kıno óneriniń damýyna zor úles qosqan úlken tulǵa boldy. Halyq óziniń ardaqty azamattaryn eshqashan umytpaıdy. Olardyń esimderin ulyqtap, eńbekterinen úlgi-ónege alady», - deıdi rejısser T.Abdollauly.
