Maǵzum Myrzaǵalıev: Janarmaı stansalary usynǵan baǵa – áleýmettik bastama
«Mańǵystaý oblysyndaǵy janarmaı stansalarynyń ıeleri suıytylǵan munaı gazynyń baǵasyn lıtrine 85-90 teńgege deıin túsirý týraly sheshim qabyldaǵany habarlandy. Degenmen baǵa qalyptasyp ketti ǵoı. Sonda janarmaı stansalarynyń usynyp otyrǵan baǵasy qashanǵa deıin saqtalady. Bul bir ýaqyttyq aktsııa ǵana bolyp qalmaı ma?», - dep surady BAQ ókili ortalyq kommýnıkatsııalar qyzmetinde ótken brıfıngide.
«Ár óndiristiń ózindik quny bar. ıAǵnı, Jańaózende ornalasqan «Qazaq gaz óńdeý zaýytynyń» 1 tonna gazdy óndirý quny 98 myń teńge qazirgi tańda. Ony lıtrge shaqqanda, 60-70 teńge. Buǵan qosatyn «perevalkasy» bar, logıstıkasy bar. Sondyqtan, gazdyń ózindik quny gaz taratý stansalarynda shamamen 80 teńgeni qurap otyr. Árıne, ony ózindik qunynan tómen baǵaǵa satýǵa bolmaıdy. Bul tyǵyryqqa aparatyn jol. Sondyqtan biz salany damytamyz desek, osy salaǵa ınvestıtsııa ákelemiz desek, qoldanystaǵy zaýyttardyń qalypty jaǵdaıda ustap turamyz desek, árıne munaı gazynyń baǵasyn arzandatýǵa bolmaıdy», - degen vedomstvo basshysy. Búgingi baǵa osy másele boıynsha ótetin tekserýden keıin qaıta naqtylanatynyn túsindirdi.
«Janarmaı stansalarynyń bastamasy – áleýmettik bastama. ıAǵnı, óziniń marjasymen bólisip, 100-120 teńgeden 85-90 teńgege deıin azaıtty. Biz osyndaı bastamany tek qoldaýymyz kerek. Bul másele óte durys. Básekelestikti qorǵaý jáne damytý agenttiginiń ókili de aıtty. Qazirgi tekserý jumystary júrgizilip, baǵanyń ózin aqtaý deńgeıin anyqtap, naqty sheshimge keledi dep oılaımyn», - dedi Maǵzum Myrzaǵalıev.
