Maǵzum Myrzaǵalıev: Shyǵys pen soltústikti gazdandyrýdyń eki joly bar

NUR-SULTAN. QazAqparat – QR Energetıka Maǵzum Myrzaǵalıev Úkimet otyrysynda elimizdiń soltústigi men shyǵysyndaǵy oblystardy gazdandyrýdyń eki joly qarastyrylyp otyrǵanyn aıtty, dep habarlaıdy QazAqparat tilshisi.

«Búgingi tańda eldi gazdandyrý úlesi 54,3 paıyzdy qurap otyr. Nátıjesinde 10,2 mln adam gazǵa qol jetkizdi. «Nur-Otan» partııasynyń saılaýaldy tuǵyrnamasyna sáıkes, 2025 jylǵa deıin eldi gazdandyrý úlesi 60 paıyzdy quraýy kerek. Sonyń arqasynda 11,7 mln adam gazǵa qol jetkizedi», - dedi mınıstr.

Vedomstvo basshysynyń aıtýynsha, búgingi tańda «Saryarqa» magıstraldik gaz qubyry Nur-Sultan, Qaraǵandy, Temirtaý, Jezqazǵan qalalarynda kómirdi paıdalanyp kelgen 70 myńǵa jýyq úıdi gazben qamtamasyz etýge múmkindik beredi. Al Aqmola oblysynda 13 joba iske asyrylyp, nátıjesinde 16 myń úı gazǵa qol jetkize alady.

«Petropavl, Kókshetaý, Óskemen, Semeı, Pavlodar qalalary búgingi tańda gazdandyrylmaǵan. Sonymen qatar, atalǵan qalalardy gazben qamtamasyz etýdiń kelesideı joldary bar. Atap aıtsaq, «Saryarqa» magıstraldyq gaz qubyryn jalǵastyrý nemese Reseı Federatsııasynan magıstraldyq gaz qubyrlaryn tartý. Jyl sońyna deıin «Gazprom» men «QazTransGaz» elimizdiń soltústik jáne shyǵys óńirlerin gazdandyrý boıynsha esepteý júrgizip, tıimdi nusqasyn ázirleıdi» - dedi Maǵzum Myrzaǵalıev.