Maǵzum Myrzaǵalıev: Sekseýil – káýap pisiretin aǵash emes

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Maǵzum Myrzaǵalıev sekseýildi saqtap qalý máselesi ózekti ekenin málim etti, dep habarlaıdy QazAqparat tilshisi.

«Sekseýildi saqtap qalý máselesine erekshe toqtalǵym keledi. Álem boıynsha sekseýildiń negizgi bóligi bizdiń jerde ósetindikten, ony urpaqqa amanat etý isiniń mańyzy zor», - dedi mınıstr OKQ-da ótken baspasóz máslıhatynda.

Mınıstr 2023 jylǵa deıin sekseýildiń barlyq túrin shabýǵa tyıym salynǵanyn eske saldy. 2017 jyldan bastap respýblıkanyń saýda núktelerinde sekseýildi satýǵa shekteý qoıylǵan.

«Bul iske basymdyq berýimiz kerek. Onyń negizgi eki sebebi bar: birinshisi – dalanyń shólge aınalyp ketpeýimen kúres. Ekinshisi, topyraqtyń tuzdanyp ketýiniń aldyn alý kerek. Sol sebepti, sekseýildi saqtap qalý úshin jeke baǵdarlama daıarladyq. Osy rette meıramhanalar men dámhanalardyń ıelerin sekseýildi jaqpaýǵa shaqyramyn. Sebebi, ol – ulttyq qundylyǵymyz. Ókinishke qaraı, ol qasıetti aǵashty brendimiz dep bilmeı, káýap pysyrýǵa paıdalanatyndar bar. Bul máselege kelgende túpkilikti oı-paıymdarymyzdy ózgertýimiz kerek», - dedi ol.

Aıan Bekenuly