Maǵzum Myrzaǵalıev Óskemendegi aýa sapasyn baqylaıtyn beketterdi avtomatızatsııalaýdy tapsyrdy
ÓSKEMEN. QazAqparat - QR Ekologııa, geologııa jáne tabıǵı resýrstar mınıstri Maǵzum Myrzaǵalıev Shyǵys Qazaqstan oblysyndaǵy jumys sapary barysynda Ekologııalyq retteý jáne baqylaý, Sý resýrstary, Orman sharýashylyǵy jáne janýarlar álemi, Geologııa komıtetteri aýmaqtyq fılıaldarynyń, «Qazsýshar», «Qazgıdromet» mekemeleriniń jetekshilerimen kezdesip, jıyn ótkizdi. Bul týraly QazAqparat atalmysh vedomostvonyń Telegram-kanalyna silteme jasap habarlaıdy.
«Qazgıdromet» respýblıkalyq memlekettik kásipornynyń zerthanasyn aralaǵan mınıstr ekologııalyq monıtorıng mamandarynyń jumysymen tanysty. Qaladaǵy atmosferalyq aýa sapasyn baqylaıtyn beketterdiń bárin avtomatızatsııalaýǵa tapsyrma berdi.
Sondaı-aq M. Myrzaǵalıev qoǵam belsendilerimen, halyqpen, BAQ-pen baılanysty kúsheıte túsý qajettigin atap ótti.
«Qandaı aýamen demalamyz, qandaı sý ishemiz, bári de bizdiń jumysymyzǵa baılanysty. Sondyqtan jergilikti halyqpen turaqty túrde kezdesý kerek. Pandemııa bolsa da, mundaı jumystardy onlaın rejımde jalǵastyrýǵa bolady. Basty mindetimiz - halyqpen dıalog ornatyp, ashyq bolý»,- dep atap ótti mınıstr kezdesý barysynda.
