Maǵzum Myrzaǵalıev Kólsaı, Esik kólderiniń problemalary týraly aıtty

NUR-SULTAN. QazAqparat – Ekologııa, geologııa jáne tabıǵı resýrstar mınıstri Maǵzum Myrzaǵalıev Almaty oblysyndaǵy Esik kóliniń tartylý sebepterin atady, dep habarlaıdy QazAqparat tilshisi.

OKQ-da ótken onlaın baspasóz máslıhaty barysynda mınıstrge kól jaǵasyndaǵy qonaq úılerge qatysty suraq qoıyldy.

Maǵzum Myrzaǵalıevtyń aıtýynsha durys júrgizilmeıtin qurylys jumystarymen zańnamaǵa saı kúres júrgizý kerek.

«Sol sebepti Kólsaı kóli boıynsha men jeke aınalysamyn. Ol týraly áli jeke aıta jatarmyz. Esik kóline keler bolsaq, ol jerde qurylysqa qatysty problema bolmaǵan. Másele gıdroelektrostantsııaǵa baılanysty boldy. Ol jerden keıde sý jiberilip turatyn. Bıyl kólde sý az qaldy da, sol aýdandarda sý jetispeýshiligi sezile bastady. Biz ol máselege qatysty arnaıy hat joldap, Almaty oblysynyń ákimdigimen sóılestik. Bul jaǵdaıdyń jaǵymsyz saldaryn barynsha azaıtqymyz keledi», - dedi ol.