Maǵzum Myrzaǵalıev ekologııa jol kartasy qandaı nátıjege jetkizetinin aıtty

NUR-SULTAN. QazAqparat – Ekologııa, geologııa jáne tabıǵı resýrstar mınıstri Maǵzum Myrzaǵalıev jańa ekologııalyq jaǵdaıdy jaqsartýǵa baǵyttadǵan 17 jol kartasy qandaı nátıjege jetkizetinin aıtyp berdi, dep habarlaıdy QazAqparat tilshisi.

«Óńirlerde ekologııalyq problemalardy sheshý keshendi sharalardy jáne edáýir ýaqytty talap etetinin eskere otyryp, 17 jol kartasynda kórsetilgen is-sharalardyń tolyqqandy oryndalýy birqatar oń nátıjege ákeledi. Atap aıtqanda 10 qalada atmosferanyń lastaný ındeksi joǵary deńgeıden ortasha deńgeıge deıin tómendeıdi. Qaldyqtardy qaıta óńdeý deńgeıin 15%-dan 30%-ǵa deıin jetkizýge, 24 jańa polıgondy salý jáne tolyp ketken bes 5 polıgondy qalpyna keltirýge jáne joıýǵa jol ashady», - dedi mınıstr Úkimet otyrysynda.

Onyń aıtýynsha, bul qujat aıasynda ejelden lastanǵan jerlerdi qalpyna keltirýge jáne joıýǵa, 7 jańa káriz tazartý keshenin salý jáne 12 káriz tazartý keshenin qaıta jańǵyrtýǵa bolady.

Odan bólek eldi mekenderde 15 mln jáne orman alqaptarynda 2 mlrd aǵash egýge múmkindik týady.

Mınıstr osy jospardy oryndaý úshin Úkimet basshysynan ákimderge osy sharalardyń iske asyrylýyn tapsyrýdy surady.