Maǵzum Myrzaǵalıev: Dızel baǵasy arzan bolsa, EAEO naryǵyna kóleńkeli ımport kóbeıedi
NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide QR Energetıka mınıstri Maǵzum Myrzaǵalıev Eýrazııalyq ekonomıkalyq odaq naryǵynyń Qazaqstandaǵy dızel baǵasyna qalaı áser etip otyrǵanyn aıtty, dep habarlaıdy QazAqparat tilshisi.
«2025 jylǵa deıin Eýrazııalyq ekonomıkalyq odaqtaǵy kórshi eldermen salystyrǵanda janarmaı baǵasynda aıtarlyqtaı aıyrmashylyq bolmaýǵa tıis. Úlken aıyrmashylyq bolsa, birden janar-jaǵarmaı tapshylyǵy baıqalady. Oǵan bıyl bolǵan faktiler dálel. Mysaly, tamyz, qyrkúıek aılarynda dızel tapshy boldy. Sol kezdegi dızeldiń kórshi elderdegi baǵasyna qarasaq, úlken aıyrmashylyq bolǵan», -dedi vedomstvo basshysy.
Atalmysh ustanymyn ol mynadaı faktilermen túsindirdi.
«Sol kezde dızeldiń ortasha baǵasy elimiz boıynsha - 200 teńge bolsa, Ózbekstanda - 380 teńge, Reseı Federatsııasynda - 300 teńge, Qyrǵyzstanda - 320-330 teńge bolyp turdy. Tapshylyqty joıý maqsatynda 280 myń tonna dızel ımporttaldy (EAEO ózge elderine Qazaqstannan – red.). Árıne, baǵasy da kóterildi. Qazir ortasha baǵa 245 teńge bolyp tur. Osyndaı baǵa ornatqannan keıin eshqandaı bir tapshylyq jáne kóleńkeli ımport (EAEO ózge elderine Qazaqstannan – red.) baıqalyp jatqan joq», - dedi mınıstr.
