Maǵzum Myrzaǵalıev Atyraýdaǵy munaı óńdeý zaýytynyń jumysyn synǵa aldy
Atyraý MÓZ-i josparly jóndeý jumystaryn osy jyldyń 5 jeltoqsanynda aıaqtaǵan. Zaýyttyń birneshe negizgi qondyrǵysy ishki jáne syrtqy faktorlardyń saldarynan keshigip iske qosyldy.
Atalǵan jóndeý sharalary kólemi boıynsha eldegi munaı óńdeý zaýyttarynyń tarıhyndaǵy eń irisi bolyp otyr. 2022 jyldyń 1 qazanynda AMÓZ zaýyttyń 1-shi «tizbegin» toqtatyp, ony qazan aıynyń sońynda tehnologııalyq rejımge shyǵardy, odan keıin 2-shi «tizbek» toqtatyldy. AMÓZ-degi jóndeýdiń bul tásili munaı ónimderiniń táýliktik óndirisi men jóneltilýin úzdiksiz júzege asyrýǵa múmkindik berdi.
QMG basshysy 2022 jyly qazaqstandyq munaı óńdeý zaýyttary munaıdy óńdeýdiń rekordtyq kórsetkishine jetip, benzın, dızel otyny jáne bıtýmnyń rekordtyq kólemin óndirip shyǵaratynyn aıtty. Sonymen qatar, AMÓZ josparly kórsetkishterdiń oryndalýyna eleýli úles qosady. Osyǵan baılanysty Maǵzum Myrzaǵalıev qysqa merzim ishinde Atyraý munaı óńdeý zaýytynan janar-jaǵar maıdyń josparly jóneltilýin qamtamasyz etýdi tapsyrdy. Benzın táýligine 5 myń tonnaǵa, dızel táýligine 4 myń tonnaǵa deıin jóneltiledi.
Maǵzum Myrzaǵalıev Memleket basshysynyń jáne Úkimettiń tapsyrmasy aıasynda 2023 jyly QR munaı óńdeý zaýyttaryn aralas óńdeý shemasyna kóshirý boıynsha jumys júrip jatqanyn basa aıtty. Bul shema munaı ónimderin ótkizýde deldaldardyń bolmaýyna jol ashady.
Atyraý MÓZ-i eki jyl boıy josparly jóndeýge toqtamaı jumysyn júrgizdi. Bastapqyda AMÓZ jóndeýi 2021 jyldyń kúz mezgiline josparlanǵan. Munaı ónimderiniń tapshylyǵyn boldyrmaý maqsatynda AMÓZ jóndeý jumystary 5 ret keıinge shegerildi.
