Maǵzum Myrzaǵalıev: Qazaqstan AQSh ınvestıtsııasy úshin negizgi alańǵa aınalýǵa daıyn
ASTANA. KAZINFORM — Qazaqstan jasandy ıntellekt, energetıka jáne strategııalyq mańyzdy paıdaly qazbalar salasynda AQSh-pen yntymaqtastyqty keńeıtýdi kózdep otyr. Bul týraly Qazaqstan Respýblıkasy Prezıdentiniń keńesshisi Maǵzum Myrzaǵalıev.
Magzum Myrzaǵalıevtiń aıtýynsha, eki el arasyndaǵy ekonomıkalyq yntymaqtastyq turaqty túrde nyǵaıyp keledi.
— Tek ótken jyldyń ózinde C5+1 sammıti aıasynda jalpy quny 17,2 mlrd AQSh dollaryn quraıtyn kommertsııalyq kelisimderge qol qoıyldy, — dedi Prezıdent keńesshisi Astanada ótken «Qazaqstan — Amerıka» dóńgelek ústeli barysynda.
Ol Qazaqstan amerıkalyq seriktestermen yntymaqtastyqty odan ári damytý úshin birqatar perspektıvaly baǵytty qarastyryp otyrǵanyn atap ótti.
— Biz strategııalyq mańyzdy paıdaly qazbalar, tsıfrlyq tehnologııalar, joǵary tehnologııalyq óndiris, jasandy ıntellekt, energetıka jáne ınfraqurylym salalaryndaǵy yntymaqtastyqty tereńdetýge zor múmkindik kórip otyrmyz, — dedi Maǵzum Myrzaǵalıev.
Prezıdent keńesshisiniń sózinshe, Ortalyq Azııadaǵy eń iri ekonomıka retinde Qazaqstan amerıkalyq ınvestıtsııalardy tartý jáne AQSh bıznesiniń óńirdegi qatysýyn keńeıtý úshin barlyq múmkindikke ıe.
— Ekonomıkalyq reformalardy jalǵastyrýǵa, ashyqtyqty qamtamasyz etýge jáne ınvestorlarǵa qolaıly saıasat júrgizýge degen ustanymymyz kompanııalarǵa Qazaqstanda ınvestıtsııa salyp, damyp, uzaq merzimdi seriktestik ornatýǵa senim beredi, — dep túıindedi Maǵzum Myrzaǵalıev.
Buǵkn deıin Serik Jumanǵarın amerıkalyq bıznes úshin perspektıvaly salalardy ataǵan edi.
