«Maǵjan» jýrnalynyń kezekti sany oqyrmandarǵa jol tartty
ASTANA. Qarashanyń 6-sy. QazAqparat /Aıdyn Báımen/ - Turaqty jaryq kórip kele jatqan «Maǵjan» ádebı-kórkem kópshilik jýrnalynyń kezekti №3 sany jaryqqa shyqty,
dep habarlaıdy QazAqparat.
Jýrnaldyń shymyldyǵyn «Azattyqtyń altyn arqaýy» atty maqala ashyp otyr. Onda 1995 jyly búkilhalyqtyq referendýmda qabyldanǵan Qazaqstan Konstıtýtsııasy týraly oılar órbigen. Ata zańymyzdyń arqasynda el bolyp qol jetkizgen tabystarymyz jóninde jazylǵan. Maqala avtory - Soltústik Qazaqstan oblystyq sotynyń alqa tóraǵasy, zań ǵylymdarynyń doktory Beket Turǵaraev.
Basylym Maǵjan týraly zertteýlerdi turaqty jarııalap keledi. Osy sanynda jýrnal aqyn, jazýshy Nurǵoja Orazdyń «Týystas halyqtar qurmettegen», sol sekildi ǵalym, fılologııa ǵylymdarynyń kandıdaty Janbaı Qadyrovtyń «Maǵjan shyǵarmashylyǵyna HH ǵasyrdyń basyndaǵy saıası áleýmettik jaǵdaıdyń áseri» atty zertteý maqalalaryn berip otyr. Osy joly da Maǵjan Jumabaıulynyń bir top óleńderi jarııalaǵan.
Jýrnalda jazýshy, jýrnalıst Jaqsybaı Samrattyń «Bas syılyqty alǵan báıterek» atty maqalasy jaryq kórip otyr.
«Álem ádebıeti» aıdarymen latysh jazýshysy Andra Neıbýrganyń «Qııandaǵy Evrıdıka» degen týyndysy memlekettik tilde berilgen. Bul shyǵarmany Janar Imanasova tárjimalaǵan.
Osy jýrnal betinde jýrnalıstter Amandyq Jantemirovtiń «Analardyń anasy», Nursaıyn Sháriptiń «Júreginen jyr tógilgen» maqalalary jaryq kórgen. «Poezııa» aıdarymen aqyn Bolat Qojahmetovtyń jyrlary oqyrman nazaryna usynylǵan. Jýrnalda taǵy basqa da tanymdyq, zertteý materıaldary berilip otyr.
Ata ketý kerek, bul jýrnal 2007 jylǵy qańtar aıynan beri shyǵyp keledi. Jýrnaldyń bas redaktory - QR Parlamenti Májilisiniń depýtaty, jazýshy Jarasbaı Súleımenov.
