Maǵjan Jumabaevtyń óleńderi ázerbaıjan tiline aýdaryldy
ASTANA. QazAqparat - Maǵjan Jumabaevtyń óleńderi ázerbaıjan tiline aýdaryldy, dep habarlaıdy Habar24.kz.
Agenttik taratqan málimetterge qaraǵanda, bul aqynnyń 125 jyldyǵyna oraı qolǵa alynǵan bastama. Aýdarmashy professor Ramız Áskerdiń aıtýynsha, Maǵjan týyndylarynyń maǵynasy tereń ári ulttyq ereksheligi zor, sondaı-aq ózge aqyndardan stıli bólek bolǵandyqtan, basqa tilge aýdarý qıynǵa soǵypty. Jınaqty basyp shyǵarýǵa TÚRІKSOI uıymy atsalysqan. Ázerbaıjan mádenıet mınıstrligi qazan aıynda Bakýde Maǵjannyń 125 jyldyǵyna arnalǵan shara uıymdastyrmaq.
«Maǵjan poezııasynyń orny bólek. Shyǵys aqyndaryna da, eýropalyqtarǵa da uqsas emes. Ony fýtýrıst, ımajınıst dep atap júrgen. Bir jaǵynan durys deýge bolady, biraq osymen tolyq kelise almaımyn. Sebebi Maǵjannyń aıryqsha stıli bolǵan. Shyǵarǵan kitabymda, sol paraǵynda qazaqsha, al oń jaǵynda ázerbaıjan tilinde jazylǵan. Óıtkeni onyń shyǵarmashylyǵy boıynsha ýnıversıtette sabaq berip júrmiz, stýdentterimiz qazaqsha nusqasyn da kórsin»,-dedi aýdarma avtory, professor Ramız Asker.
