Maǵjan Jumabaevtyń mereıtoıy Ankarada atalyp ótedi
PETROPAVL. QazAqparat - Soltústik Qazaqstan oblysy Maǵjan Jumabaevtyń 125 jyldyǵyna daıyndalyp jatyr, dep habarlaıdy «QazAqparat» HAA tilshisi.
SQO ákimi baspasóz qyzmetiniń málimdeýinshe, mereıtoıdy atap ótýdiń tujyrymdamasy daıyndalǵan jáne 250-den astam is-sharalar reti josparlanǵan.
Oblys ákimi men TÚRІKSOI arasyndaǵy kelisimge sáıkes, mereıtoılyq sharalar, atalǵan halyqaralyq uıymǵa kiretin barlyq elde ótetin bolady.
«Aqpanda TÚRІKSOI týynyń astynda «Maǵjan Jumabaev jyly» aıasynda Túrkııanyń Kastamoný jáne Ankara qalalarynda mádenı is-sharalar ótpek. Oǵan SQO delegatsııasy qatysady»,-dedi oblys ákiminiń baspasóz hatshysy Tımýr Ábdiresh.
Óńirde «Maǵjan kóktemi» atty tórtinshi respýblıkalyq festıval, ǵylymı-praktıkalyq konferentsııa, respýblıkalyq Maǵjan oqýlary jáne basqa da sharalar ótpek. Mereıtoılyq medaldar men monetalar sondaı-aq aqynnyń shyǵarmalar jınaǵyn basyp shyǵarý josparlanǵan.
