14:10, 25 Maýsym 2018 | GMT +6
Maǵjan Jumabaevtyń 125 jyldyǵyna arnalǵan poshta markasy shyqty
PETROPAVL. QazAqparat - 25 maýsymda Maǵjan Jumabaevtyń 125 jyldyǵyna arnalǵan poshta markasy aınalymǵa engizildi, dep habarlaıdy QazAqparat tilshisi.
Petropavlda poshta markasy resmı tanystyryldy. Soltústik Qazaqstan oblysynyń ákimi Qumar Aqsaqalov pen «Qazposhta» AQ bólimshesiniń dırektory Janna Omarova arnaı poshta mórin basyp, konvertke qol qoıyp, bir-birimen almasty.
«Poshta markasynda M.Jumabaev beınelengen. Onyń taralymy - 10 myń dana. Poshta markalary Belarýsta «Nepogodın atyndaǵy Bobrýısk irilendirilgen tıpografııasy» kásipornynda basyp shyǵaryldy», - dedi J. Omarova.
Eske salaıyq, búgin Soltústik Qazaqstan oblysynda Maǵjan Jumabaevtyń 125 jyldyǵy atalyp ótilýde. Negizgi is-sharalar M.Jumabaev aýdany Sarytomar aýdanynda - aqynnyń týǵan jerinde ótti.
