Maǵjan Shamshadın Qazagstan Barysy Grand Slam týrnıriniń chempıony atandy
ASTANA. QazAqparat – Qazaqstandyq Maǵjan Shamshadın Astanada ótip jatqan Qazagstan Barysy Grand Slam týrnıriniń chempıony atandy, dep habarlaıdy QazAqparat tilshisi.
Qazaqstandyq dzıýdoshy 60 kelige deıingi salmaqta álemdik reıtıngte 15-orynda turǵan Frantsııa ókili Sedrık Revolmen tatamıge shyqty.
Beldesýdiń asa tartysty ótkeni sondaı, negizgi ýaqytta qarsylastar bir-birin ala almady. Qosymsha ýaqyttyń ózi 7 mınýt jarymnan asty. Aqyry Maǵjan ońtaıly ádis jasap, jeńiske jetti.
Osylaısha, Maǵjan Shamshadın sporttyq jolynda iri tabysyna qol jetkizdi.
Áıelder arasynda Ǵalııa Tynbaeva 48 kelige deıingi salmaqta qola júlde úshin básekede orys qyzy Krıstına Dýdınaǵa (INA) ese jiberip, jarysty besinshi orynmen aıaqtady.
Eske sala keteıik, budan buryn Ábıba Ábýjaqynovanyń Qazagstan Barysy Grand Slam týrnırine qatyspaıtynyn jazǵan bolatynbyz.
Maǵjan Shamshadın Qazagstan Barysy Grand Slam týrnıriniń fınalyna shyqty.
Ǵusman Qyrǵyzbaev Qazagstan Barysy Grand Slam jarysynyń altyn júldesine talasady.
