Maǵjan Shamshadın dzıýdodan Býdapeshttegi álem chempıonatyn sátti bastady

ASTANA. KAZINFORM – Majarstan astanasy Býdapeshtte ótip jatqan dzıýdodan álem chempıonatyn qazaqstandyq balýan Maǵjan Shamshadın (60 keli) jeńispen bastady. 

Alǵashqy aınalymda ol Devıd Teraony (AQSh) jeńdi. Onyń kelesi qarsylasy – Frantsızko Garıgos (Ispanııa).

Al el quramasynan Ǵalııa Tynbaeva (48 keli) jarysty erte aıaqtady. Otandasymyz nıderlandtyq Ember Hersıeske ese jiberip, jarys jolynan shyǵyp qaldy.

Sondaı-aq búgin, 13 maýsymda el quramasynan Ábıba Ábýjaqynova (48 keli), Sherzad Davletov (60 keli) saıysqa túsedi.

Erteń, 14 maýsymda Ǵusman Qyrǵyzbaev (66 keli) el namysyn qorǵasa, 15 maýsymda Eset Qýanov (72 keli), 16 maýsymda Esmıgúl Kýıýlova (63 keli), Abylaıhan Jubanazar (81 keli), 17 maýsymda Meıirlan Maksım (90 keli) syndy balýandarǵa senim artamyz.

Dzıýdodan álem chempıonaty 13-20 maýsym aralyǵynda ótedi. Qazaqstan sapynan eldiń úzdik 12 dzıýdoshysy baq synaıdy.

Dúbirli dodada 92 elden kelgen 566 sportshy 14 salmaqta júldege talasady.