Maǵjan Іlııasov Qazaqstannyń Amerıkadaǵy Elshisi bolyp taǵaıyndaldy
ASTANA. KAZINFORM — Prezıdent Qasym-Jomart Toqaev Maǵjan Іlııasovty Qazaqstan Respýblıkasynyń Amerıka Qurama Shtattaryna Tótenshe jáne Ókiletti Elshi qylyp taǵaıyndady. Bul týraly Aqorda málim etti.
— Memleket basshysynyń Jarlyǵymen Maǵjan Janbotauly Іlııasov Qazaqstan Respýblıkasynyń Amerıka Qurama Shtattaryndaǵy Tótenshe jáne Ókiletti Elshisi bolyp taǵaıyndaldy, ol Qazaqstan Respýblıkasynyń Ulybrıtanııa jáne Soltústik Irlandııa Qurama Koroldigindegi Tótenshe jáne Ókiletti Elshisi, Qazaqstan Respýblıkasynyń Islandııadaǵy, Irlandııadaǵy Tótenshe jáne Ókiletti Elshisi qyzmetin qosa atqarýshy laýazymdarynan bosatyldy, — delingen habarlamada.
Maǵjan Janbotauly Іlııasov 1974 jylǵy 26 tamyzda Almaty qalasynda týǵan.
Qazaq memlekettik álem tilderi ýnıversıtetiniń Halyqaralyq qatynastar fakýltetin úzdik bitirgen jáne Dj. Kennedı atyndaǵy Garvard ýnıversıtetiniń Memlekettik basqarý mektebiniń magıstratýrasyn aıaqtaǵan.
Dıplomatııalyq mansabyn 1996 jyly QR SІM Halyqaralyq uıymdar men halyqaralyq ekonomıkalyq qatynastar basqarmasynyń referenti, keıinnen Attashesi laýazymdarynan bastady.
1998-1999 jyldary BUU Basqarmasy jáne halyqaralyq ekonomıkalyq uıymdar basqarmasynyń úshinshi, ekinshi hatshysy.
1999 jyldan 2003 jylǵa deıin QR Prezıdenti Ákimshiliginiń protokol qyzmetiniń konsýltanty.
2003-2005 jyldary - QR Prezıdenti Keńsesiniń Uıymdastyrý jáne qujattamalyq qamtamasyz etý tobynyń bas sarapshysy.
2005-2012 jyldary QR Prezıdenti Ákimshiliginiń Syrtqy saıasat ortalyǵynda jumys istedi, onda bas sarapshydan Ortalyq meńgerýshisi laýazymyna deıin jetti.
2013-2016 jyldary QR Prezıdentiniń Keńesshisi - QR Prezıdenti Ákimshiligi Syrtqy saıasat ortalyǵynyń meńgerýshisi.
2016 jyldan bastap Qazaqstannyń Nıderlandtaǵy Elshisi jáne Qazaqstan Respýblıkasynyń Hımııalyq qarýǵa tyıym salý uıymyndaǵy turaqty ókil
2020 jyldyń 30 qyrkúıeginen Qazaqstannyń BUU janyndaǵy Turaqty ókili.
Eske sala keteıik, buǵan deıin Djýlı Stafft AQSh-tyń Qazaqstandaǵy elshisi bolyp taǵaıyndalǵan bolatyn.