Magomed Adıevtiń Reseı chempıonatyndaǵy tusaýkeser oıyny qalaı aıaqtaldy

ASTANA. KAZINFORM – Fýtboldan Qazaqstan Ulttyq quramasynyń bas bapkeri Magomed Adıev jýyrda Reseıdiń «Ahmat» komandasynyń tizginin ustaǵany belgili. Eki qyzmetti qatar alyp júrýge kelisken ol Reseı birinshiliginde bapker retindegi alǵashqy kezdesýin ótkizdi.

Chempıonattyń 23-týry aıasynda «Ahmat» óz alańynda máskeýlik «Lokomotıvti» qabyldady. Kezdesý 2:0 esebimen qonaqtardyń paıdasyna sheshildi.

21-mınýtta Alekseı Mıranchýk penaltıden gol soǵyp, esep ashty. Al 58-mınýtta Sergeı Pınıaev mergendigimen kózge tústi.

Aıta keteıik, 19-mınýtta «Ahmattyń» oıynshysy Darko Todorovıch qyzyl qaǵaz alyp, alań ıeleri kezdesý sońyna deıin 10 oıynshymen qaldy.

«Ahmat» kelesi kezdesýin 13 sáýirde óz alańynda «Baltıkaǵa» qarsy ótkizedi.

Esterińizge salsaq, Magomed Adıev 2022 jyldan beri Qazaqstan quramasynyń bas bapkeri qyzmetin atqaryp keledi. Sodan beri 22 oıynnyń 11-de jeńiske jetip, 1-de teń oınasa, qalǵanynda qarsylastarǵa ese jiberdi.