Magomed Adıev «Jyl bapkeri» nomınatsııasynda úzdik atandy
ASTANA. QazAqparat – Fýtboldan Qazaqstan quramasynyń bas bapkeri Magomed Adıev «Jyl tańdaýy – Altyn adam» syılyǵy aıasynda «Jyl bapkeri» nomınatsııasy boıynsha úzdik atandy, dep habarlaıdy QazAqparat tilshisi.
Reseılik maman el quramasynyń bas bapkeri qyzmetine bıyl mamyr aıynda taǵaıyndalǵan edi.
«Onyń jetekshiligimen qazaqstandyq fýtbolshylar UEFA Ulttar lıgasynda óz tobynda birinshi orynmen V lıgasyna shyqty. «Jyl tańdaýy» ulttyq syılyǵy Qazaqstanda 2000 jyldan bastap ótkizilip keledi. Jeńimpazdar halyq arasynda júrgizilgen saýalnamanyń qorytyndysy, sarapshylardyń daýys berýi, uıymdastyrýshylardyń taldaýy jáne qazylar alqasynyń tańdaýy boıynsha anyqtalady», - dep jazylǵan Qazaqstan fýtbol federatsııasy taratqan habarlamada.
Eske salsaq, «Taraz» aldaǵy jyly birinshi lıgada oınaıtyn boldy.
Foto: QFF
