Magomed Adıev jaqyn aradaǵy josparyna qatysty málimdeme jasady

Fýtboldan Qazaqstan ulttyq quramasynyń bas bapkeri Magomed Adıev «Aqtóbeniń» bas bapkeri qyzmetine taǵaıyndalýy múmkin degen aqparatqa qatysty pikir bildirdi, dep habarlaıdy Kazinform.

Ol, sonymen qatar aldaǵy ýaqyttaǵy jsparyn da atap ótken.

«Dostar, jankúıerler, búgin maǵan jaqyn arada «Aqtóbe» fýtbol klýbyn basqaratynyma qatysty kóptegen suraqtar kelip túsýde. Alaıda, meniń basty maqsatym men mindetim – Qazaqstan quramasy men naýryz aıynda ótetin oıyndar, men qazirgi kezde osy kezdesýge daıyndyq máselesine basa nazar aýdaramyn.  soǵan kóńil bólemin dep sendirgim keledi. Meniń armanym – 2024 jylǵy fýtboldan Eýropa chempıonatyna jetý jáne soǵan qatysý. Osyǵan oraı, qurmetti dostar men jankúıerler, jaqyn arada eshqandaı fýtbol klýbyn basqarýdy josparlap otyrǵan joqpyn», - dep jazdy Adıev Instagram paraqshasynda.

Aıta keteıik, buǵan deıin birqatar BAQ-ta «Aqtóbeni» Magomed Adıev basqarady degen aqparat taraǵan bolatyn.