Magomed Adıev «Atyraý» bas bapkeri atanýy múmkin

ASTANA. KAZINFORM — Bul týraly Qazaqstan fýtbol federatsııasy prezıdentiniń keńesshisi Nursultan Qurman áleýmettik jelidegi paraqshasynda málimdedi.

Atyraýlyq komanda bıylǵy birinshilikti sátsiz bastady. Tórt oıynda nebári bir márte jeńiske jetip, úsheýinde qarsylasyna ese jiberdi. Týrnır kestesinde úsh upaımen toǵyzynshy orynda tur. 

Magomed Adıev 2022 jyldan beri Qazaqstan quramasynyń bas bapkeri qyzmetin atqardy. Sodan beri 22 oıynnyń 11-inde jeńiske jetip, bireýinde teń oınasa, qalǵanynda qarsylastarǵa ese jiberdi.

2022-2023 jyldarda Ulttar lıgasynda S dıvızıonynda óz tobynda birinshi oryn alyp, byltyr V dıvızıonynda synǵa túsýge múmkindik aldy.

Sondaı-aq, 2024 jylǵy Eýropa chempıonaty irikteý satysynda el quramasy 18 upaı jınap, óz tobynda úshinshi oryn aldy. Bul — qurama tarıhyndaǵy úzdik kórsetkish.

Magomed Adıev 1994-2009 jyldar aralyǵynda reseılik jáne qazaqstandyq klýbtardyń namysyn qorǵady. 2010 jyldan beri bapkerlikke bet buryp, reseılik jáne elimizdiń «Shahter» klýbynda jetekshilik etti.

Magomed Adıev byltyr Reseıdiń «Ahmat» komandasynda bas bapker bolyp, alty týrdan keıin qyzmetinen ketti.

Eske salsaq, fýtboldan ekinshi lıganyń oıyndary 8 sáýirde bastalady.